Benderane Kuwalik
Cerita Man Damin menemukan bendera Merah Putih terpasang terbalik saat keliling kampung pada perayaan kemerdekaan, mengingatkan makna perjuangan dan nasionalisme.
Daning : Yono Daryono
LAGU Indonesia Raya sing tipi, ujug-ujug suwarane atas, Man Damin kaget tangi sing peturon.
Biasane bar sholat subuh Man Damin karo batir-batire ndopok nang mburine masjid nganti srengenge mlenong, dina kiye batir-batire pada nguncluk balik jare Wa Kamid laka sing pan domongna, Man Damin melu-melu balik toli turu maning.
" Sapa donge sing nyetel tipi atas nemen, " Man Damin ngomong karo ucek-ucek mata.
" Wong-wong wis pada melu upacara pitulasan rika ka ngringkel bae Kang, " Bi Sijah Bojone Man Damin ngromyah.
Baca Juga: TPS Energi Listrik Tegal Raya Akan Dibangun di Margasari, Tiga Kepala Daerah Sudah Teken Kesepakatan
" Ya Allah iya yah dina kiye upacara pitulasan, " semaure Man Damin " Lah ndadak, " kandane Bi Sijah.
" Ish ora, nyong wis pedaminan karo Wa Kamid pan pit-pitan, lah kawe pite wis direbyang-rebyang. Toli ana pendaptaran polisi, tentara gratis nggo sapa bae sing pengin dadi polisi atawa tentara ora ketang sedina," kandane Man Damin.
" Dilah njelehi nemen sampeyan pan melu karnapal Kang ? " semaure Bi Sijah.
" Ya ora, nyong tah wis genah pan ngganggo klambi pangsi model Betawinan Jah, setelan abang kopluke abang," kandane Man Damin.
