Letkol Untung Ketangkep Nang Asem Tiga
Cerita “Daning” karya Yono Daryono kisahkan tertangkapnya Letkol Untung di Asem Tiga Tegal tahun 1965 usai peristiwa G30S.
Daning : Yono Daryono
Hawa semromonge poret, wektu kuwe tanggal 11 Oktober 1965, gili kar sing saiki arane Jalan Nanas mung ana wong siji loro sing liwat.
Wong-wong dukuh Asem Tiga sing akehe pada nggaweni sepatu karo sendal kulit egin pada nyambet gawe nang njero umahe.
Ora kuat semromong sing nyambut gawe pada wuda klambi. Delat maning laut wayahe mangan bedug lan sholat dhuhur. Wong-wong wadon sing wis pragat ngliwet pada maliki pemehan ana uga sing ngentasi.
Ujug-ujug ana wong dwuwak-dwuwak. "Ana wong mblorod ! Ana wong mblorod !"
Baca Juga: Kalender Jawa Weton Hari Ini 24 Februari 2026, Selasa Pahing Memiliki Aura Mempesona
Wong mblorod jarene wong Asem Tiga kuwe wong sing nyolongi pemehan, atawa nglorodi pemehan.
Sontak warga pada marani maring asale suara.
Nang ngarep umahe Man Darno, akeh wong ngrubungi wong lanang gagah nganggo kupluk ireng, sepatunan, pilis kiwane ana getihe.
Jare Kang Sakyad awite wong kuwe njaluk nginung toli maksa mlebu umahe.
